Guð minn góður ..

... hvert hafa peningarnir mínir horfið ? Shit! Þetta er gallinn við að búa í Reykjavík, freistingar allstaðar. En ég og Svavar ætlum að finna ráð við því. We will survive, eins og maðurinn sagði hérna í gamla daga. En Reykjavík er ekkert lamb að leika sér við, svo mikið er víst. Svavar, eða við vorum að kaupa okkur leyndarmál í dag. Ég ætla ekki að skrifa það hérna því að það á að koma á óvart þegar litla systir mín kemur í heimsókn og mamma og gunnar og fleiri góðir. Þetta er gaman. Núna erum við líka bara hætt að eyða. Búin að kaupa okkur allt sem okkur vantar, ég ætla að kaupa mér kort í ræktina á morgun og þá lokum við líka bara á öll útgjöld nema Bónust í bráðri neyð og leiguna mánaðarlega að sjálfsögðu. Ekki viljum við að okkur sé hent út, óneinei.
Fólkið á efri hæðinni er ofsalega næs, og það er alltaf einhver í heimsókn hjá þeim, þau eru sko popjúlar. Annað en við hérna í kjallaranum. Hún er kennari og hann er í námi þannig að þau eru mikið bara heima við svona yfir sumartímann, og hún á greinilega margar vinkonur sem eru annað hvort líka kennarar eða í fæðingarorlofi eða svona mikið bara í sumarfríi. Allavega er alltaf einhver úti í garði að sötra kaffi með þeim ef að veður leyfir. Enda er ekkert að því, kannski bara pínu afbrýðssemi í mér því að ekki fer ég út með vinkonur í kaffi. Hahah, gaman að þessu.

Ég er búin að sækja um vinnu á milljón stöðum, þannig að ég bíð bara spennt eftir símtali (sem ég vonast til að fá sem fyrst) svo að ég geti skundað út á vinnumarkaðinn aftur og byrjað að þéna einhverja peninga aftur. Enda finnst mér fátt skemmtilegra en að eiga peninga.
En annars er bara gaman að þessu öllu saman. Barátta við eldavélina á hverju kvöldi, fullt af þvotti og uppvaski, ryksugan í góðum gír og allt þetta sem fylgir því að halda uppi heimili. Allar mæður sem og húsmæður án barna, heyr heyr! Þið eruð hetjur. Og sérstaklega þú, móðir mín góð. Endalaust elsk og sakn til þín.
Salvör var að lenda á klakanum í dag, komin frá Ítalíu. Ég og Sara ætlum að hitta hana eitthvað í kvöld, ég er búin að sakna hennar alltof mikið. Svo verður hún hérna um helgina en fer svo reyndar heim í Dýrafjörðinn eftir helgi, sem að sökkar. Vildi óska þess að hún gæti bara búið líka í Reykjavík með okkur stöllum, en við erum búnar að panta að hún verði dugleg að koma í heimsókn í bæinn, og ég efast ekki um það.

Annars ætla ég að fara að finna okkur eitthvað í gogginn, mamma, það er bara snarl í dag. Ég held að þriðjudagar verði snarldagar hjá okkur Svavari.
Sakna ykkar allra fyrir vestan strax, þetta verður hræðilegt í vetur. Ég er bara búin að vera í burtu í viku en samt strax komin með pínu heimþrá. Ég held það sé tilhugsunin um veturinn sem lætur mér líða þannig. En ég er sterk stelpa og get þetta alveg.
Þangað til næst, auf blessuð!
Jónína :)