Jæja..

... núna er orðið heimþrá búið að setja sér sinn sess í mínum orðaforða, það eru alveg óhreinar línur. Heimþrá, ég hata þig. Haha. Ekki gleðileg byrjun á bloggi, en þannig er mál með vöxtum að ég er búin að vera veik síðan á laugardaginn, og mér finnst ég ekkert vera að skána. Og ég held að það sé vegna þess að mömmutöfrar eru ekki hérna. Ekki það að Svavar sé ekki búinn að vera góður við mig, búinn að stjana við mig eins og ég sé drottning, en það er eitthvað svona "bond" milli manns og mömmu sinnar þegar maður er veikur og á bágt. Og ég vil fá það. En ég ætla nú ekki að væla, mamma og Gunnar eru að koma til Reykjavíkur um helgina, og ég pant fá að vera ekki veik þá!
En já, annars eru þetta búnir að vera erfiðir dagar undanfarið. Ég sakna Flateyrar, ég sakna MÍ, ég sakna fjölskyldu minnar og ég sakna allra vina minna! En nóg um vælið, ég kem heim áður en ég veit af. Tíminn er svo fljótur að líða.

Annars já, af sökum veikinda minna lítur íbúðin okkar ekkert alltof vel út. Ég á það til að vera mikill sóði (meira en venjulega) þegar ég er veik, sem er, að mér finnst, alveg skiljanlegt. Uppþvottur og skúringar er ekki alveg það fyrsta sem maður hugsar um þegar maður er með hita og kvef. En já allavega, due to that, þá er íbúðin okkar ekkert uppá marga fiska í útliti núna. En það lagast á morgun. Já, ég ætla að vera frísk á morgun! Ég ætla að fara í skólann, fara svo í ræktina ef að heilsan leyfir og setja svo á mig uppþvottahanska og taka mér skrúbb í hönd! Það verður action hérna á morgun, og það er eins gott að enginn verði á vegi mínum því að hann á ekki von á góðu skal ég segja þér.

En já, annars er sumsé ekkert mikið búið að gerast síðan ég bloggaði síðast. Auður varð sautján ára, komin með bílpróf og allt tilheyrandi, til hamingju enn og aftur með það ástin mín. Hmm.. Mamma mín er búin að fá sér msn og cheeriosið okkar Svavars er búið. Þannig er nú það, ég held að þetta sé svona það helsta.
Grey's Anatomy er gjörsamlega búið að bjarga mér yfir helgina. Búin að klára fyrstu og aðra seríu og er að byrja á þriðju. Ég get sko horft endalaust á þessa þætti, aftur og aftur. Þannig að ég ætla bara að kveðja í bili, það bíður mín spennandi þáttur og eitthvað óvænt í kvöldmat því að Svavar ætlar að sjá um að elda. Það er stundum pínulítið gott að vera veikur. Haha. Nei maður má ekki segja svona, be careful what you wish for segi ég nú bara.
Annars, bless í bili.
Jónína